平靚正！柬埔寨暹粒旅館推薦 – 柬約 Joyo Hostel
柬埔寨住宿真心係好平，百零蚊二百蚊一晚已經可以住到唔錯嘅民宿。今次介紹柬約 Joyo Hostel 係上海老闆開，可以用中文溝通，唔洗驚去到人生路不熟。
柬約 Joyo Hostel 一棟 4 層樓，都幾大間架。2 樓大廳擺左好多個豆袋梳化，又有電腦同電視，勁舒服！
天台有廚房同 bar 台，可以同朋友一齊上黎吹水同 hea 。仲可以帶榴槤返黎食，需知道柬埔寨有 D 酒店係唔俾帶榴槤架…
雙人套房係複式設計，勁大勁寬敞。樓下係客廳，樓上係睡房。客廳有梳化、茶兀同衣櫃。
睡房就有勁大張雙人床。
最正嘅係，出面嘅露台有埋枱凳可以食野。
日頭係咁嘅，可以望到出面條街。
再行上去仲有沙灘椅俾你夜晚訓係度睇星星，非常寫意。
如果一個人旅行的話，可以住宿舍床位，即係同人 share 一間房果種。
每人都自己嘅 locker ，locker 入面亦有插頭可以充電。
房間入面有自己嘅浴室，裝修都幾靚。每人都有提供一條大毛巾，唔洗自己帶。
住宿黎講呢間性價比幾高，老闆又好人，好有家嘅感覺。
柬約 Joyo Hostel
地址 : Krong Siem Reap, Oum Khun Street, Phum TapoulKhum Svaydongkum,krong
Facebook : https://www.facebook.com/Joyohostel/
東南亞卡推薦
