歐遊搭巴士定火車？歐洲超好用交通搜尋訂票網站推薦
歐洲話細唔細，話大唔大，如果一次過去幾個國家，光是查交通資料已經好頭痕。小編今日推薦一個網站叫 GoEuro，只要輸入出發地、目的地同日期，即時幫你搵晒所有飛機、火車、巴士嘅資料，仲可以即時網上訂埋票，非常方便！
GoEuro 個介面幾清晰，好似平時搵機票咁。輸入相關資料之後，所有交通工具嘅價錢、時間、上車地點等資料都會顯示出黎。香港人成日去嘅英國、法國、荷蘭、德國，又或者東歐國家好似波蘭、奧地利、捷克等等，基本上成個歐洲都有齊晒資料。
以巴士為例，唔同嘅歐洲巴士公司資料都有，順便可以格埋價。
睇岩價錢同時間之後，直接係 GoEuro 個網訂票，然後用信用卡俾錢。E-ticket 會電郵俾你，通常都唔洗 print 出黎。
除左歐洲，鄰近地區好似摩洛哥、突尼斯，甚至中國大陸嘅交通資料都有，好似 Skyscanner 咁。
GoEuro
網址：https://www.goeuro.com/
歐洲卡推薦
